ମହକିଆ ପବନ୍
ଦୋଷ୍ ଅପରାଧ୍ ଅନୈତିକ୍ ପାପ୍
ଯେନ୍ ଲୋକ୍ କରିଥିସି
ସେହି ସଂଗେ ସେ ପକ୍କା ଅସତିଆ
ତାର୍ ତାର୍ ବନିଯାଏସି
ଗୁଟେ ଦୋଷ୍ କଲେଁ ଆରୁ ଗୁଟାକେତେ
ହେଇ ଯାଏସନ୍ ଯୁଡ଼ି
ସବୁ କବାର୍ ବୁତା ଛାଡ଼ିଦେସି ପୁତା
ମୁକ୍ଦମା ଲଡ଼ି ଲଡ଼ି
ଚିଂତା ରହେଲେଁ ହର୍ମିଶା ମୁଡ଼େଢ଼ଁ
ଦିହି ଯାଏସି ନଶି
ଗୁଟେ ଦୋଷ୍ କରି ଅରନ୍ଜାଲେ
ଯାଏସି ବୁପ୍ରା ଫଶି
ମୂଲ୍ହୁଁ ନାଇଁକଲେ କେନ୍ସି ଦୋଷ୍
ଅଏନ୍ ଚଲ୍ସି ଜୀବନ୍
ମର୍ବାର୍ ତକ୍ ଜାଂଗଲ୍ ଭିତ୍ରେ
ଥିସି ମହକିଆ ପବନ୍
What's Your Reaction?
