ତ୍ରାଣକର୍ତା
ବିଧି ପ୍ରଣୟନ ଆଉ ଉଲ୍ଲଂଘନ
ଏ ଦେଶରେ ନିୟମିତ
ନିତି ବଡ଼ ଦୁଃଖ ସହିବାରେ ଲୋକ
ହୋଇଗଲେଣି ଅଭ୍ଯସ୍ତ
ତତ୍କାଳ ଅର୍ଜନ କରବା ନିଶାରେ
ଲୋକ, ସରକାର ବାଇ
ସବୁ ବୁଝିଜାଣି କେହି ତ କାହାକୁ
କେବେ ବି ମାନଂତିନାହିଁ
ଏତେ ବିଶୃଂଖଳ ଯେଉଁ କାରବାର
ତାହାର ଅଂତ ନିଶ୍ଚିତ
ଜାଣିଥିଲେ ସୁଦ୍ଧା ଏ ଦେଶରେ ଲୋକ
ହୁଅଂତିନି ବିଚଳିତ
ଭେଳିକି ଭିତରେ ମଜ୍ଜି ରହିଛି
ଏହି ଦେଶର ଜନତା
ଯେତେ ଖୋଜିଲେ ବି ମିଳୁନାହିଁ କାହିଁ
ଜଣେ ହେଲେ ତ୍ରାଣକର୍ତା
What's Your Reaction?
