ଭାଷାର୍ ନେତା
ଜନେ ଭାବୁଥିସି କଥା କହେତା ଇନ୍ତା
ଶୁନ୍ତା ଆରୁ ମାନ୍ତା ଇନର୍ ଜନ୍ତା
ହୋ ବମ୍ କରି ଗୁହୁଡ଼ି ଗୁଟେ
ସଭା ଠାନ୍କେ ଲମ୍ତା
ରଡ଼ି କିର୍ଲେଇ ଗଗେଇ କହି
ଭାଷାର୍ ନେତା ବନ୍ତା
ଭାଷାର୍ ଲାଗି ଯେ କରୁଥିସି ବୁତା
ନାଇଁଥାଏ ତାର୍ ଉନିଆ କେନ୍ସି ଚିଂତା
ଇନ୍ତା ଜନେ ସରସ୍ବତୀର୍ ପୁତା
କେଭେଢ଼ଁ ନାଇଁଭାବେ ହେତା ଭାଷାର୍ ନେତା
ଯେନ୍ମାନେ ନାଇଢ଼ଁ ସଂସାରେ ଆଉର୍
ତାଁକୁ କଲେଁ ଘାଏ ସୁର୍ତା
ଲେଖିକରି ଯାହା ରଖି ଯାଇଛନ୍
ଗୁଟେ ଗୁଟେ ଧରି ପଢ୍ତାଁ
ସଭେ ଆଗ୍କେ ବଢ୍ତାଁ
ଭାଷା ଟିପି ତକ୍ ଚଢ୍ତା
ସେମାନେ ଆମର୍ ସ୍ମୃତିନିବାସୀ
ଭାଷାର୍ ଅସଲ୍ ନେତା
What's Your Reaction?
