କ୍ଷମା ମାଗିଦେଲେ...
କ୍ଷମା ମାଗିଦେଲେ କେଭେଁ କାହାର୍
କମ୍ ନାଇଁହୁଏ ମାନ୍
କଥା କଥାଥିଁ ହେଇଯାଏସି
ସମସ୍ଯା ସମାଧାନ୍
ତଥାପି ଲୁକେ ରେଣୁଥିସନ୍
ସେହି ଗୁଟେ ପଦ୍ କଥା
ହେଥିର୍ ଲାଗି ତ ବଢିଯାଏସି
ବହୁତ୍ ଅବ୍ଯବସ୍ଥା
ବଡ଼୍ ହେଲେ ଭିଲ୍ ମୁନୁଷ୍ ମାନେ
ରହେସନ୍ ହେଇ ଛୁଆ
ଦିହି ବଡ଼୍ ହେସି , ମନ୍ ରହିଥିସି
ଗୁଟାରଂଗେ ଭକୁଆ
ବେଠିକ୍ କଥାଟେ ବାହାରିଗଲେ
ଟୁଁଡ଼ୁଁ କେଭେଁ ଘାଏ ଯଦି
ତାକେ ବାର୍ ବାର୍ କହେବାର୍ ଆଏ
ଗୁଆଁର୍ ଲୁକର୍ ବୁଦ୍ଧି
What's Your Reaction?
