ସରବ୍ନାଶ୍
କଧ୍ରିଆ ଲୋକ୍ କହେବାର୍ ଲାଗି
ହର୍ମିଶା ଛନ୍ଛନ୍
ଶୁନ୍ଲା କଥା ବୁଝ୍ବାର୍ ଲାଗି
ନାଇଁଲାଗେ ତାର୍ ମନ୍
ଯାହା ଶୁନ୍ସି କହିଦେସି ଝଟ୍
ସତ୍ ହଉ କି ଅସତ୍
ଯେନ୍ତା ଶୁନ୍ସି ସେନ୍ତା କହେଲେ
ଲାଗ୍ସି ତାକେ ଉସତ୍
ନିସତ୍ ଲୋକ୍ଟେ ଅସତ୍ ପ୍ରଚାର୍
କରୁଥିସି ବୁଲିବୁଲି
ମୁଡ଼େଁ ଲଗାସି ବଢେଟେ ତାଲା
ଟୁଁଡ଼୍ ଦେଇଥିସି ଖୁଲି
ବନଉଟି କଥା ପବ୍ନେ ଉଡ଼େଇ
କର୍ସି ଅସତ୍ ଚାଷ୍
ତାକେ ବିଶ୍ବାସ୍ କଲେଁ ଜାନିଥାଉଁ
ହେସି ସରବ୍ନାଶ୍
What's Your Reaction?
