ସଭାଘର୍
ସହର୍ ଠାନେ ବନାହେଇଛେ
ଯେତେ ଯେତେ ସଭାଘର୍
କେତେ ସମିଆ ସର୍ସି ସେନ
ଘାଏ ତ ହିସାବ୍ କର୍
ଜାନି ପାର୍ବୁ ନିଶ୍ଚେ ବାବୁ
ଥୁଡ଼େ ଲୋକ୍ ଶୁନି କହି
ଉନିଆ କିଛି ନାଇଁ କଲେ ବି
ସହରେ ଥିସନ୍ ରହି
ନାଚ୍ ଗାନା ଆରୁ କଥା ଆଲୋଚନା
ତାଁକର୍ ଅସଲ୍ ବୁତା
କେଭେଁ ନାଇଁସରେ ଜାନିଛୁଁ ସଭେ
କାଣା ଆମର୍ ଅବସ୍ଥା
କାମ୍କଲା ଲୋକ୍ ଠାନ୍ ନାଇଁ ଛାଡ଼ି
ଯାହା ବି ଦେସନ୍ କରି
ସେଥିର୍ ଲାଗି କଥାକହୁ ଲୋକ୍
ଅଛନ୍ ଜୀବନ୍ ଧରି
କହେଲା ଲୁକେ କମେଇ ଜମେଇ
ରଖ୍ସନ୍ ନାମ୍ ଯଶ୍
ଅସଲ୍ ବୁତା କର୍ବାକେ ହେଲେ
ସଭେ ଲଡ଼ଂଗ୍ଫସ୍
ଆରୁ କେତେ ଯୁଗ୍ ଚଲ୍ବା ଇନ୍ତା
କାହାକେ ନାଇନ ଜନା
ସଭାଖୋର୍ ଇ ନିସତ୍ ମାନ୍କୁଁ
କିଏ କରିଦେବା ମନା ?
କଥା କହାଶୁନା ଅଟ୍କେଇ ଦେଲେ
ଥିର୍ ହେଇଯିବା ମନ୍
ସଭାଘର୍କେ ବାଟ୍ ରୁଁଧିଦେଲେ
ଅଏନ୍ ହେତା ଜୀବନ୍
What's Your Reaction?
